Այսօր ամբողջ աշխարհում պատրաստվող հազարավոր կայքերից միայն 3 — 4% է, որ ունենում է երկար կյանք։ Եկենք իմանանք, թե ինչ է պետք իմանալ մինչև կայք պատրաստելը։

Մինչև բուն թեմային անցնելը խորհուրդ կտամ պատասխանել ինքներդ ձեզ այս հարցերին`

1. ինչքանով է ձեր մտադրությունները լուրջ կայք ունենալու և հետագայում այն զարգացնելու համար,
2. ինչ նպատակների համար պետք է ծառայի ձեր կայքը,
3. պատրաստ եք արդյոք պարբերաբար թարմացնել նոր տեղեկություններով:

Իսկ հիմա եկեք քննարկենք, թե ինչ պետք է իմանալ մինչև կայք պատրաստելը.

 1)   Ինչի համար է ձեզ անհրաժեշտ կայքը:

Հիմնական նպատակը`

• բիզնեսի կամ մատուցվող ծառայության առաջխաղացման,
• ընկերության հեղինակության բարձրացման,
• ձեր ապրանքների իրացման համար նոր շուկաներ փնտրելու և գործընկերներ գտնելու,
• տեղեկացնել ձեր ապրանքի կամ ծառայությունների առավելությունների մասին,

ինչպես նաև

1. ունենալ անձնական բլոգ,
2. պատրաստել թեմատիկ կայք, որտեղ կարող եք ձեր  մասնագիտական խորհուրդներով օգտակար լինել ձեր ապագա այցելուներին,

և այլն:

Պետք է ճիշտ ընտրեք ձեր ապագա կայքի թեման, թե կոնկրետ ինչ խնդիր կարող եք լուծել: Փորձեք թղթի վրա գրել կայքի թեման և թվարկեք այն հարցերը կամ խնդիրները, որոնց լուծումները պետք է տաք:  Մի փորձեք միանգամից առաջ քաշել զանազան թեմաներ, եթե իհարկե չեք պատրաստվում պատրաստել կորպորատիվ կամ լրատվական բնույթի կայք:

2)   Ինչի մասին եք ուզում պատմել ձեր կայքում:

Կայքի հիմնական մասը – պատմել Ձեր ընկերության, առաջարկվող ապրանքների կամ ծառայությունների մասին, ներկայցնել ապրանքների և ծառայությունների գնացուցակը, տեղադրել կոնտակտային տվյալներ (հասցե, հեռախոս, էլ. փոստ, ինտերնետային հասցե, Սկայփ, Չաթ և այլն, եթե ձեր ընկերությունը գրանցված է սոցիալական ցանցերում, ապա նաև սոց. ցանցերի հասցեները): Օգտագործեք բոլոր հնարավոր եղանակները Ձեր կայքը ճանաչելի դարձնելու հնարավորինս շատերին:

3)   Ովքեր են լինելու Ձեր կայքի ընթերցողները:

Մտածեք, ովքեր են այցելելու ձեր կայքը և ինչ կուզենային տեսնել կայքում, ինչպիսի հարցեր կհետաքրքրեն նրանց, կարող եք պատասխանել նրանց հետաքրքրող հարցերին:

4)   Կայքի համար ինչպիսի նյութեր կարող ենք հավաքել և պատրաստել:

Կայք պատրաստելու և ունենալու մտադրությունը ծնվում է շատ արագ և միանգամից թվում է այն հեշտ իրականացվող: Սակայն հետագայում չեք կարողանում որոշել, թե  կայքում ինչ նյութեր, նկարներ տեղադրել: Որոշեք, թե ձեզ ինչ անհրաժեշտ տեղեկություններ պետք կգան, որտեղից այն վերցնել, կարող եք արդյոք ինքնուրույն այն պատրաստել:

5)   Ինչքան ժամանակ և ինչքան գումար է անհրաժեշտ Ձեր կայքը պատրաստելու համար:

   Եթե արդեն որոշել եք, թե ինչ խնդիրներ լուծելու համար է անհրաժեշտ ձեզ կայքը և ովքեր են լինելու ձեր ապագա այցելուները, ապա պետք է որոշեք, թե ինչքան ժամանակում պետք է պատրաստ լինի այն: Ինչպես նաև պետք է որոշեք, թե ինչքան գումար եք նախատեսել կայքի պատրաստման համար:

Կայքի  պատրաստման թեմայի ընտրության մասին կխոսենք հետագա հոդվածներում: